Plantun de Prouvènço

Pèr coumpara dos planto d'encò nostre

Gagea villosa & Lilium martagon

Gagea villosa

Liliaceae Liliaceae

Noms en français : Gagée velue, Gagée des champs.

Descripcioun :
Aquesto estello-jauno se vèi encaro dins lis ermas e li meissoun emai siegue en regressioun. Se recounèis à si fueio de la cambo larjo de 5 mm e grando que dounon d'èr à de bratèio souto li flour (fotò). Au contro, li fueio basalo soun espesso, larjo de 2 à 4 mm e enca mai longo. La planto èi pelouso, majamen li pecou e li tepalo .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 20 à 24 mm
Flourido : Printèms Ivèr

Sòu : Ca
Autour basso e auto : 0 à 1800 m
Aparado : Noun
Mars à abriéu

Liò : Meissoun - Ermas - Cimentèri
Estànci : Mesoumediterran à Mountagnard
Couroulougi : Éurasiatico
Ref. sc. : Gagea villosa (M.Bieb.) Sweet, 1826

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.